寄托家园留学论坛

标题: 打起十二分精神：转载一个极品业主的真实故事 [打印本页]

作者: sunhoo 时间: 2014-5-19 01:18:48 标题: 打起十二分精神：转载一个极品业主的真实故事

本帖最后由 sunhoo 于 2014-5-19 01:37 编辑

转自香讨：http://finance.discuss.com.hk/vi ... mp;authorid=3821388
这个故事教会我们作为租客如何保障自己的利益:lol

作者: sunhoo 时间: 2014-5-19 01:18:59

無奈~激氣~係我而家心情~~

o係到分享既目的係想重新組織一次，順便記低過往佢做過既衰野，以便下一步既行動......

唔講咁多，應該幾長篇下，入正題~~

2012年同老婆搵租盤搬出去住，偶然搵到呢個盤(私人放租，冇經AA)

睇樓，簽租約都唔係業主本人，佢話佢阿媽先係業主，年紀大所以授權比佢搞，下稱"煩膠"

單位屬洋樓? (行幾級樓梯有升降機)，煩膠聲稱重新裝修過，實則內部重新油過下油咁，

更聲稱三部冷氣搵人洗過，雪柜，洗衣機可以留比我地用，而我地最頂唔順係個地板，何其污糟。

因為其他地方租金實在太貴，咁傾o岩價錢就決定租，標準租約每月一號交租。

簽租約前，試下d電器，雪柜壞，三部冷氣壞，洗衣機放廁所，沖涼可以順便洗埋洗衣機，生晒鏽，我冇試，叫佢直接搬走。

最後煩膠話換過部窗口機，會搵人黎整兩部分體機。
第一個冷氣師傅上到黎，明言廳果部就整到，房果部冇得整，就算整好郁得唔使幾耐又打柴，
咁就整左廳果部先，因為佢包埋洗冷氣，我睇住佢洗，睇住一粒粒曱甴蛋比水沖落黎，
心諗煩膠又話搵人洗左，原來流料 (唔誠實的第一次)

到第二個冷氣師傅上黎再睇房果部，呢個師傅竟然話整到，咁整到你就整啦，整完再壞都係你負責，我又冇得叫你換部新~佢整左一日都搞唔掂 (我老婆仲偷聽到個師傅o係出面呻捉蟲，接左單但搞唔掂)
第二日再黎，終於投降，話整唔到，話一係換個部二手......縮骨既煩膠開始現形...佢決定換部二手，再加多句，整埋呢次佢唔會再負責，
心諗你話唔負就唔負咩，你係業主就要負責架啦，呢一樣係第一個都幾唔好既印象。

就係咁，整下冷氣，訂電器，傢俬，都搞左二十日左右先入伙 (冇免租期下...T^T)
搞得最耐係個地板，多謝我屋企人，佢地幫我搵石膏粉鋪晒成個地下，等乾左之後再搵百潔布捽，
將磚同磚之間黑蚊蚊污糟邋遢變返白色，乾淨晒.....(記住我地幫佢整乾淨晒個地下，有下文)

話咁快差唔多第一個月尾，幾多號唔記得，但一定唔係30/31號(27-29咁上下)，
煩膠打黎問我幾時交租，因為係第一個月，佢緊張都好正常，
咁我就話1號會準時過數比佢啦。

又過一個月，又係未到月尾，又問我幾時交租，有冇咁緊張呀?
因為租約有去打厘印，佢未比返我，我就約佢上黎收票，要佢比返份租約我，
開票果日係28號，厘印個日期都係28號，唔係叫佢黎收票，都唔知佢拖到幾時。

到第三個月，都唔駛講....又係未到1號打黎追，
我又叫佢上黎收票，原因係我要拎返"上"個月交左租金既租單。
簽租約時講好，我交租後，佢就會將租單放入信箱，
頭幾個月我係幾緊張張租單，因為佢始終唔係業主，而我將租金過去佢戶口。
租前有問過地產朋友，就係要小心呢d情況，怕業主不知情下租左比人，結果....麻煩

第四個月，今次有紀錄，28號，又打黎，唔駛聽都知做乜，個個月交租有早冇遲，
你仲打黎追乜Q.....唔理佢，又未到期，點知.....佢上門拍門，一次夜晚，一次下午.....(煩膠之名係咁黎)
結果，我作為一個負責任既租客31號放工就過左數比佢，打返比佢佢仲惡過我，但又唔知錢已經o係佢戶口，又話我冇錢交租，所以上兩個月要開支票，到支票兌現得黎已經係遲交...佢完全唔知自己要到收錢果下，佢先會比返屬於我既野(打左厘印既租約，租單)
之後嘈完一輪，再一次同佢講明，叫佢收到租金後三定五日內要比返租單我。結果...好似有一個月做到，之後我都懶得理佢，已經知道呢個人毫無誠信可言。

待續.... (只係講緊頭四個月)

作者: sunhoo 时间: 2014-5-19 01:19:36

多謝各位既回覆先，支持我既又好，話我膠又好，講真我未睇晒d回覆，開頭大部份好似對我開票既方法有意見。

亦都多謝好多睇得明既人解答左，冇錯，我已講左收租果位唔係業主，所以開頭錢銀瓜葛我好小心，開票過數既原因係因為有"銀行紀錄"。

講到間屋咁差我又去租? 說真了佢係平過其他地方，樓層，環境都係其中既因素，但係平租唔代表業主可以唔負責任。

有人話我一號交租已經係遲，可能業主方同租方既定義關係，但租約寫明，每月首日交租，如過期十天，業主可在該樓宇門口
..張貼告示...催促交租。

厘印過期要罰錢? 我唔知道，佢冇叫我比錢，你講我拎返租約黎睇，$304+$708，$708係罰款。

而家既狀況.....唔講住

=======================================================

自四個月後，大家定明遊戲規則，我照舊入數有早冇遲，

佢頭一個月準時交租單，一個月遲d，一個月又遲d，最尾都係成個月先比我，我已冇佢咁好氣。

過左十個月，收到有關僭建既通知，心諗麻鬼煩，又要搵佢，
佢自已想黎整 (拆左個冷氣支架)，整完封返塊玻璃既時候，嘭一聲，跌爛左
果日係禮拜日，佢話去買返塊玻璃，最後真係比佢買到，
不過佢同我講，佢唔得閒，佢拎返塊玻璃過黎，下次再裝
唔通我落閘放狗唔比佢走，又或者由得冇左塊玻璃一個禮拜咩，又係自己搞掂。

話說四個月既時候嘈左獲金，煩膠揚言"一年後實加我租"，
到左死約到期既時候，佢最講口齒既一次，加租15%....
本身我係諗住租兩年，睇樓市情況再上車，一輪商議最後加12%.....
P.S.: 會有人問，邊可以過生約加租架，原因係佢o係租約寫左，"生約之租金以當時市值計算"。
我又天真地諗準時交租，有好租客唔會加我既，
我自己都係第一次租樓，租呢到係因為樓上識人，佢知道呢到放租話我聽，
自己唔識野，冇得怨人，吸取教訓吧。

之後....應該冇其他野，安安樂樂過到生約到期前兩個月，
聰明既你，實知道咩事，今次加24%，
第一個反應係....佢跌親個頭....
不過人地業主大晒喎，佢亦都遇我還價，但還得幾多丫。
但佢加到既租金，我比多少少可以正常租其他樓。
覆返佢，我約滿既時候會搬走。
咁我就努力咁搵地方搬.....

o係搵樓既時間，呢條發錢寒既煩膠再次whatsapp我，
自行減價$600，聲稱租生不如租熟，但係同一時間，斜對面既單位租緊平佢新租金$1300。
今次我冇回應，事隔一天，佢再問我"是否續租?"，
到我settle好晒所有野，有地方落腳，我覆返佢，不用績租，已有地方住，希望日後佢搵到好租客。

就退租呢件事大家心平氣和的 (無啦啦邊忽可以唔心平氣和)
業主仲o係兩個禮拜前提我，交樓時出示返水電費單，以便核對。

到左交樓比佢果日，惡夢既開始.....待續

作者: sunhoo 时间: 2014-5-19 01:19:51

交樓當日，上到黎，驗屍官上身，咁層樓係佢架嘛，好正常姐，
但係佢不停搞房入面部冷氣(二手整完話之後我地負責果部)
我搬走後，掃乾淨埋地下，乾淨過佢交樓比我果時。
佢都冇得挑剔，咁就對埋水電費，水電費我係PPS交的，所以其實張單係睇唔到d咩，
我叫佢打電話去hotline check 返結餘，咁之後月結單打後既對返水電錶計返數，退按金搞掂。

邊有咁順利丫...佢唔肯check，水電錶唔肯對，話先退一個月按金，仲有一個月要hold 15日，確認水電費後先再退。
我就打比地產朋友問下有冇呢個做法，有但係要事先o係租約寫明，咁就梗係冇寫啦。
再加上之前都知業主麻煩，遇左佢會玩野，已有心理準備，傾唔掂就搵警方協助。

警察上到黎，佢講野仲惡過警察 (處理呢件事既警員做得好好架)
咁o係警察在場情況下，我用手機開返PPS既交費紀錄比佢睇，咁ok啦，但佢依然唔肯對水電錶，要hold 15日，又話層樓租比我既時候重新裝修過，話我應該還原返比佢。
從地板既新舊痕跡，已睇得出我使用兩年後，個地板仲乾淨過佢交樓比我，
因為雪柜書檯送左黎先整地下，所以搬走晒d野會見到地板兩年前後既分別。(唔通我應該還原返一個污糟既地板比佢)

佢提出兩樣野，窗簾未拆，牆身有一度裂痕。
1. 窗簾 - 本身佢係冇窗簾提供，單位去正西，唔加窗簾會曬死，窗口成十幾呎闊，我係淘寶度呎訂做的，搬走我又用唔返，掉又浪費，咪留比下手。
但佢既然唔滿意，我應佢要求即時拆左佢，上樓上借個螺絲批，有幾難。
螺絲批都未到，煩膠老婆在場，見到窗簾又新淨又用得，又話叫唔駛拆。

2. 牆身裂痕 - 租約列明既情況係，租戶蓄意損壞要負責維修。
好明顯係唔關我事啦，在場警員都話，條裂痕係結構性問題，警員話企o係度都覺得危險 (我當場笑左)

就算警員在場，最後佢都唔肯即時退晒兩個月按金，仲係話水電費唔清唔楚，
大佬呀，水電錶你又唔肯對，電費戶口又係你個名，我點樣check你戶口既野呀，
煩膠又話自己唔係業主，就算驗完樓都要問准業主OK先退....(我意識到佢想將我按金扣乜扣物)

警員都冇乎，提議大家白紙黑字，寫返驗收妥當，15日後，5月15日退埋尾數一個月按金(現金)，未退之按金只能扣除未對數之水電費。
我拎返屬於我既按金姐，慘過爭人錢。
好多人同我講，最後兩個月邊駛交租架，o係按金到扣，
對左佢咁耐，你估佢肯唔肯，而且佢o係租約都highlight定按金不能用作支付租金。
人地衰，我都要做返好自己責任既。

下一篇應該講得晒...待續...

作者: sunhoo 时间: 2014-5-19 01:25:02

最后一楼居然有敏感词……偶发图吧。
[attach]300162[/attach]
[attach]300163[/attach]

作者: gongsm 时间: 2014-5-19 08:11:45

楼上说的汉语我都看不懂唉～

作者: roymin 时间: 2014-5-19 10:31:19

辛苦看完，发现有些业主真是贪得无厌，租约还是要尽量详细写清楚，对双方都有约束和保障。

欢迎光临寄托家园留学论坛 (https://bbs.gter.net/)